BLOGGER TEMPLATES AND TWITTER BACKGROUNDS

الأحد، 27 يونيو 2010

جيل عفرتو


عايز أعرفكم عليا وعلى اصحابي
علشان تفهمونا كويس
وتعرفوا بنحب نعمل إيه وبنكره إيه

جبت لكم شوية من اصدقائي تتعرفوا عليهم
وأكيد ها تفهموا الجنس البشري الصغير اللي زينا

إسلام صاحبي
بيحب : الكورة
بيكره : المذاكرة
نوع الموسيقى اللي بيفضله : مش بيسمع موسيقى
رأي مامته وباباه فيه : مؤدب واخته وأخوه برضه شايفينه مؤدب
نوع السيارة اللي بيحبها: ماتسوبيشي
بيحب اللون : الأسود
الكارتون المفضل : سلاحف النينجا
الفيلم المفضل : الشبح


علي صاحبي
بيحب الكورة
بيكره القلقاس
بيسمع هيب هوب
طبعا باباه ومامته برضه شايفينه مؤدب
وأخته برضه شيفاه مؤدب
بيحب العربية ال BMW
بيحب اللون البرتقالي
الكارتون المفضل توم وجيري
وده كلنا بنحبه أصلا ومحدش بيمل منه :)
بيحب فيلم سو

صاحبي عمرو
بيحب الكورة
كلنا بنحب الكورة
وبيكره المذاكرة
كلنا بنكره المذاكرة
وبيسمع بوب
وكذلك رأي أهله فيه إنه مؤدب
"رأي الأهل تم بالتليفون والله"
بيحب العربيات ال BMW
وبيحب اللون الأخضر
وبيتفرج على بن تن
وفيلمه المفضل عسل إسود
وأغنيته المفضلة بركوتا بتاعة أبو الليييييييييييف


نيجي بقى لصاحبكم وصاحب المدونة وعم الجيل عفرتو
بحب الكورة والمصارعة الحرة
من نجوم المصارعة ري ماستريو هو المفضل
اغنيتي المفضلة أغنية يا واحشني بتاعة تامر حسني
بحب تامر حسني علشان هو بيقول اغاني رومانسية
مش علشان البدلة والدقن اللي بيربيها
طبعا رأي الأهل فيا طبعا إنتو عارفين عفريت عفريت عفريت
مش أي أي ولا زي زي ولا أي شاب يتقال له عفرتو
بحب اللون الأحمر جدا وفي كل شيء
وبحب العربية الشيفورليه اللومينا بتاعة خالو
هي دي الجامدة جدا اللي عاوز واحدة زيها
مسلسلي المفضل سبايدرمان
وفلمي المفضل المذهل الخطير برضه سبايدرمان 3
كل شيء على سبايدر مان بجيبه
مخدة
لعبة
سي دي بتاع بلاي استيشن
قصة
ساعة
اي شيء سبايدرمان يبقى حبيبي

جيلنا أحسن جيل احنا تعليمنا أحسن من الكبار علشان الكون بيتحسن في كل جيل وبنستكشف حاجات أكتر وبندرسها

17 التعليقات:

فاتيما يقول...

اخيراااااااااا

عفرتو ظهر يا رجااااالة


ازيك يا أستاذ
دنا قولت خلاص طفشت و سيبتنا

حمدلله ع السلامة يا حبيبى


و تعالى هنا

ايه حوار العربيات دى ؟؟

انتوا بتنقوا ف موديلات العربيات من دلوقتى يا خراااااااشى
مش لسه بدرى ع الحكاية دى و لا انا اللى بقيت ست كبيرة و مش ماشية مع الزمن

عموماااااااااا

انا عجبنى جداااااا
آخر جملة دى

انكم احسن جيل
بس خلى بالك
انتا دلوقتى مطالب قصادى انتا و يوسف و اصحابك و كل الشوباب اللى ف سنك انكم تثبتولنا بقى الحكاية دى


آه
تفرجونا الشطارة و الاختراعات و الأبداعات و الحاجات اللى تخلينا نحس بإنكم احسن مننا و اصلاً يا حبيبى احنا بنتمنى كدا من اول ما جيتوا الدنيا انكم تكونوا احسن و اشطر ..كدا نحس بفخر لا تتخييله و مش هتعرفه غير لما يكون عندك اطفال زى حالاتنا انا و ماما و كل حد بيدخل هنا ليه اولاد او اخوات صغيرة

سلامنا الشديد لفريق العدالة بتاعك دا ...و لا نسميه فريق الكورة و العربيات عشان كلكم تقريبا
مشتركين فى حب الحاجتين دول ...

خالص ودى يا حبيبى
و سلامى لماما و مانوسة
النوسة كونوسة

عاشقه الرومانسيه يقول...

قولى بقى يااستاذ عفروتو
ليه كل الشوباب اللى زى حضرتك بيحبوا الكوره؟؟؟!!
وحب العربيات ونوعها دى بقى بتفرق من شخص للتانى
الشئ اللى انا متفقه معاك فيه
ان فعلا جيلكم والاجيال اللى بعدكم عندهم فرصه لتعليم افضل وفهم اكتر من الاجيال السابقه زى الجيل بتاعى وجيل ماما مثلا وباذن الله هيكون منكم عباقره ومخترعين لانى شايفه من البوست السابق ان خيالك العلمى راااائع
ان شاء الله تكون عالم كبير جدا
بس انت ورينا الشطاره يابطل
نفسى افتخر بيك واقول انا واحده من اصدقاء دكتور عفروتو

غير معرف يقول...

hi hamada
just thought of passing by your blog

the post was really great i acquired a lot of knowledge about your kind of rare species.
keep the good work and keep me posted .

sony2000 يقول...

اخويا فالله:)
بجد بجد ربنا يكون معاكو
بص ياابني هديلك نصيحه
ادرس كويس وحاول علي قد ماتقدر تحب القرايه والمعلومات
دي اللي هتخليك بجد حاجه
موشس الكتب اللسي معلوماتها مغيرتشي من 150 سنه
ع كدا كرهناها قبلكو
انت بس شد حيلك
ويلا علشان عروستك عندي:)

ستيتة يقول...

صباح الخير
يانور العين
يا ويزو مفتح ع الخدين
جبت الجمال ده يا ويزو منين
طبعا من ابوك زيزو سينيور

شفت يا عم ري ميستريو امبارح
كان يجنن
وبيج شو أدب الواد تيد دبياسي
انا بكره تيد دبياسي

بس العيال اللي افسدوا متعة ماتش سينا واورتن ضد المتخلف شايمس زعلوني

تفتكر مين اللي فاز؟
انا بقول مؤكد سينا وراندي اورتن فاوزوا
ها نعرف الأسبوع الجاي ان شاء الله

انت حبيبي يا وزيز
علشان احنا مزجنا زي بعضينا
بنحب كل حاجة زي بعض وبنتكلم زي بعض وبنحب الناس الرايقة اللي بتضحك على طول

فرحانة إنك بتكتب ونفسي كده تكتب كتير
علشان الكتابة ها تعبر عنك حلو جدا
وفي نفس الوقت ها تعلمك
متبقاش مستعجل على طول

بحبك
وبوسة
ومتنساش لو سمحت دايما تدعي لي أنا وبابا وماهي دايما
حتى لو كبرت ولقيت التعليق ده تفتكر دايما تدعي لي أنا وبابا وتاخد بالك من مهرة قلبك
علشان انت راجل يا زي
ونعم الرجالة الوي

فاتيما يقول...

بقالى شوية مجتش هنا
اطمن عليك
و اصبح


فقولت ميصحش بقى
لازم اقولك انك وحشتنى
خاااااااااااالص يا شقاوة

بس كدا
باى باى

فاتيما يقول...

صباح الخير يا حبيبى

انا عارفة انك ف المصيف دلوقتى
يا رب تكون مبسوط

طبعا انا عارفة انك مبسوط اكيد ما دمت بتبلط ف البحر و بتتفسح و تغير جو مع ماما و مانوسة و كله تمام
بس انا عاوزاك تكون مش مبسوط و بس
عاوزاك مبسوط ع الآخر
انشالله يا رب

لما ترجع بالسلامة ابقى احكيلنا عملت ايه و اوعى تقولى قنديل البحر قرصك بقى لحسن كل حد يرجع م المصيف يقولى حصلى كدا و بزعل قوى قوى
ربنا يحرسك يا حبيبى من كل شر

خلى بالك من نفسك و من كل اللى عندك و قولهم طنط فاتيما بتسلم عليكو قوى و انتى يا ماما وحشتيها
و وحشتى كل الناس قوى قوى قوى

باى باى مؤقتاً يا عفرتو
يا حبيب قلبى

░ ▒ ▓ ☺ ☼ ☻ ░ ▒ ▓

فاتيما يقول...

انا جاية اصبح
و اقولك كل سنة وانتا طيب
يا سى عفرتووووو يا شقاوة

رمضان كريم عليك يا حبيبى
ان شاء الله

۩

عفرتو يقول...

طنط فاتيما
حضرتك وحشتيني قوي
انا مرحتش في حتة بس بجهز مفاجئة
ان شاء الله الموضوع يعجبك ويعجب كل المدونين
احنا يا طنط مدمنين الأنواع بتاعة العربيات
جيلنا كله بيحلم يركب عربية يا طنط
بإذن الله احنا ها نتطور يا طنط وولادنا واحفادنا يطوروا ويتحسنوا ويكونوا احسن واحسن

المصيف كان حلو والبحر كان حلو
واخر مرة نزلت البحر كان فيه جذر فتخيلي يا طنط دخلت اعماق اعماق البحر علشان ده البحر الأحمر ومع هذا لقيت المية لحد بطني بس
ونزلت البيسين وانبسطت جدا
عقبال ما ربنا يجمعك بيوسف في مصيف جميل جدااااااااااااااااا

رمضان كريم عليكي وانا بحب رمضان شهر مبارك جميل كل الناس بعد ما ياكلوا بينزلوا الشارع يتفسحوا ويتمشوا بس يارب بس الولعة اللي احنا فيها دي تهدى
عاوز اعزمك يا طنط على زلابيا علشان انا بموت فيها
عقبال ما يوسف يكبر كده ويفسحك ان شاء الله ويخرجك
ولو كلمتيه او هو كلمك سلمي لي عليه وكلميه عني وقولي له انا بحبه قوي وان شاء الله ها نلعب مع بعض
:)
وبوسة
واحضان كثيرة كثيرة كثيرة
بس
مع السلامة

عفرتو يقول...

عاشقة الرومانسية
الله يخليكي يا طنط وان شاء الله اكون مبدع في الجيل القادم
ورمضان كريم

عفرتو يقول...

thank you mahy
انا عارف ان الكلام ده مش بتاعك
الكلام ده بتاع كووووووووووووووول
وش مطلع لسانه
انا عارف انه هاندسم وجميل وممثلك المفضل
وها احكي لأولادك عن كووووووول وان شاء الله تخلفي كول واحمد عز وكل اللي انتي عاوزاه
رمضان كريم عليكي

عفرتو يقول...

سوني

شكرا يا طنط
وياريت تعرفيني على العروسة اللي عندك :)
رمضان كريم

عفرتو يقول...

مامااااااااااااااااااا
pa my best yiiiiiiiiiiiiiiizol
بحبك موووووووووووووووووووووت
realy i love you
ربنا يخلي الصيق بااااااااااااااااااا
ramadan karim
:( :( :)
صديقي the جoooooooooooلللللللللللللللy

GiGi world يقول...

ياترى ياجيل عفروتو هتودينا على فين

فعلا عقلك ماشاء الله لاقوه الا بالله اكبر من سنك بكتييييييييييير


تعرف انك قسمت صحابك كويس جدا يعنى هما ايه بيحبوا ايه راي الناس فيهم ايه يعنى غنطهم كويس

وكده لمتا توصل لنتيجه هتحتار صح

فكر دايما فى كل خطوه بالشكل العملى ده
جكع كل المعلومات وبعدين قرر وخد الخطوه اللى وصلت انها صح

جميل اسلوبك والتعبير عنه

فعلا اكتب ويمكن اذا احنا ماكناش نعرف انت مين او كاتب سنه عمرنا ماكنا هنتخيل سنه ده

يارب فعلا تبقى عفروتو فى العلم والتكنولوجيا

ومل سنه وانت طيب ورمضان يارب خير كده علينا كلنا

دوس ياعفروتو

فاتيما يقول...

يا حبيب طنط فاتيما انتا

ميرسى خااااالص
ع كل الكلام الحلو دا

ان شاء الله يا حبيبى كل حاجة حلوة بتمنهالك تحصل
و كل حاجة برضو بتتمنهالى تحصل

خلى بالك من نفسك و من ماما و مانوسة
و انا ف انتظار المفاجأة يا شقاوة

و انا
بحبك
قوى

فاتيما يقول...

واد يا عفاريتو

ازيك؟

عامل ايه ف أول اسبوع مدرسة ؟
مفيش داعى اسأل ؟!!

ليه بس ؟

منا عارفة طبعا
المحنة اللى انتا فيها
بس عادى
احنا عندنا رجالة جامدين
هيهمنا ايه يعنى ؟
انتا قد المدرسة و قدود
طب هما يطولوا؟!!


يا رب تكون ف الأسبوع الأاولانى دا
ابتديت تاخد ع الجو الجديد
و تتعود ع الصحيان و النوم
و الفصل زمايلك فيه كويسين
و المدرسين مش رخمين قوى و كدا

لو فضيت مرة كدا
ف يوم اجازة
يا ريت تطمنا عليك
عاوزين مغامراتك ف المدرسة
لو الوقت سمح يعنى


كالعادة هقولك
خلى بالك من نفسك يا حبيبى
و من ماما و مانوسة

بحبك خالث يا شقاوة
و كل سنة و انتا طيب يا حبيبى

جارة القمر يقول...

ازيك ازيك

يارب تكون بخير واضح جدا انك مش بتدخل كتير يا سى عفرتو بيه

استنى بقى اما اقولك اللى انا بحبه يمكن اطلع زيكم

بحب : القراءة
بكره : الكورة وكنت بكره المذاكرة بما انى خلصت بقى الجامعة عقبالك يارب

الموسيقى / اى موسيقى رومانسية

مامتى و بابا شايفنى مؤدبة و عنيدة

العربية اللى بحبها BMW

اللون : البنفسجى بحبه جدا جدا

الكارتون : توم و جيرى

الفيلم المفضل : مش ليا فيلم معين للاسف عشان انا بحب الافكار اللى بيقولها الفيلم مش الفيلم فى حد ذاته

وكدا ابقى خلصت تعريفى وياريت نشوف بوست جديد احسن انت وحشتنا خالص