BLOGGER TEMPLATES AND TWITTER BACKGROUNDS

الاثنين، 14 يونيو 2010

قدرات عفرتو الخارقة


نفسي أصمم ساعة بس مش بمعنى ساعة
جواها أشكال غريبة
لما أدورها كل شكل يجيب صنف من المخلوقات العجيبة
ادوس على واحد منهم
اتحول لشكله
ويبقى عندي قدرته


الأشكال دي يكون لها قوة عجيبة
كل شكل له قوته
أقدر أستنسخ من الشكل ده كتير

مثلا شكل واحد أنا سميته الإستنساخي
وصفه: ليه ايد كبيرة شوية بيطير
ويقدر يطول إيده ولو لمس أي حاجة تيجي لإيده
وعنده عين واحدة بتطلع أكتوبلازم
حاجة كده بتخلي اي مخلوق شرير يقف ويلزق ومش يتحرك

مثلا وأنا على الشاطيء وحدي ها أعمل إيه؟
أستخدم الساعة وأستخدم المخلوق الإستنساخي حتى لا أكون وحيدا
تفتكروا هو أنا كده عجيب شويتين؟!

10 التعليقات:

Haytham Alsayes يقول...

علي فكرة ياعفرتو ممكن تعمل كل دة
في الحقيقة
ازاى بأة ياوحش
انك تعملةه بالكمبيوتر
يعني زى الكرتون كدة
بس انت ماشاء الله خيالك واسع واستغله في حاجة بتحبها

تحياتي يادكتور عفرتو

adel يقول...

هههههههههههههههه
اعملي ساعة معاكي

فكرتيني بواحد صاحبي مقتنع تماما انه يركبلي دماغ بدل دماغي وجواها ذكاء صناعي لانه بيتنرفز من تفكيري معاه
هههههههههههههههههههه

------------
هاشوفك اكيد قريب
بس يابني قلت هتقولي كارتون تقولي توايلات :)
تؤمر ياسيدي
بس الجامد قوي في طلباتك بجد فانتستاك فور
لذيذ الفيلم ده و كوميدي

وسووو طبعا حبيبي و كفاة
-----------
بمناسبة جون سينا شفته لما رزع باتسيتا علقة موت و كسره خالص و قعده علي كرسي بعجل ؟؟
هههههههههههههههه
شكله مسخرة

بس انا ياعم بحب الاندرتيكر قوي و كان زمان في مصارع اسمه ستيف اوستين (ستون كولد) جامد موت برضه بس بقي بيعمل افلام دلوقتي بس

richardCatheart يقول...

هههههههههههههه
ماتقول ساعه بن تن ولا مارتن مسترى

هههههههههههههههه
شوفت انا مسكفه ازاى فى الكارتون


يافرحه ميرو بيك

مريهان عندها 13 سنه

ومروان 8 سنين وشكلك كده فوله وانقسمت نصين ههههههههههه

ياسى بن تن

بس على فكره مافيش حاجه مستحيل ممكن اوى تصمم دا مش مستحيل

GiGi world يقول...

سيد الرجاله عامل ايه
شفت اهو تحيه اكبار


ولد ولا بلاش ولد سيد الجاله ماما هتطبع عليك ولا ايه


ايه ده هى دى كمان وراثه نخلى ماما تتكلم فى الموضوع ده




المهم بقه ياعفروتو باشا انت مش عجيب
انت رهيب ماشاء الله لاقوه الا بالله خليك كده


احلم لادام وفكر ورسخ الفكره فى دماغك


وبص ياعفروتو انا مستنيه الساعه مهما طال الزمن وانا هشتريها منك
بتكلم بجد على فكره
بلاش بوسه
سلام بس ومن بعيد لبعيد كمان

فاتيما يقول...

شويتين ؟!!

المفروض خمس شويات ستة عشرة يا حبيبى
خليك غريب زى ما تحب و لا يهمك
و شغل خيالك لأبعد حد
ما هو الخيال دا
هوه اللى خلى الدنيا تتقدم و الناس تخترع و تبدع
حد يقول ان اللى فكر فى الطيران فوق ف السما و لا طلوع القمر و لا سماع اصوات الناس فى التليفون و انتا ف بلد و هما فى بلد ...كل دول الناس لما سمعت افكارهم قالوا عليهم ايه تفتكر ؟؟
اكيد قالوا كلام اصعب من كلمة غريب
قالوا مجانين مثلاص
او مخهم لاسع

لكن الافكار دى اتطورت
و زى ما عمو هيثم السايس قالك استعمل الخيال دا فى مجال الكمبيوتر مثلا و حاجات تحبها

و جون سينا طلع مصارع
يا لهوى انا بخاف م الحاجات دى يا عفروتو طنطتك فاتيما بتقلق م العضلات و المجانس دى قوى و بيقعدوا يضربوا فى بعض جامد و انا بتخض قوى

انما طالما انتا غاوى فرجة خلاص
بس بلاش يحصل ف الوااااكع الله يخليك

خلى بالك من نفسك يا حبيبى
و سلامى لماما و مانوستى الحلوة

ف انتظار البوست الجديد
يا شقاوات

بوبو يقول...

ايه دا؟ هو انا دخلت عند بن تن وانا مش واخدة بالي ولا ايه؟ هو مش دا برضه اللي بيعمله بن تن بالساعة العجيبة اللي معاه؟ هات من الاخر وقول انك عاوز تبقى بن تن ولما تلاقي طريقة يا عبقري تحقق بيها الحلم دا ارجوووووووووووك تفتكرني بساعة معاك

فاتيما يقول...

عفاريتوووو

انتى فين يا فندم

انا قولت اعدى ارمى السلام

و اقولك ازيك ي حبيبى

بس خلاص

فاتيما يقول...

يا عفرتو انتا مختفى فيييين

وحشتنا يا شقاوة

طيب
انا عارفة انكم مشغولين مع مانوسة انتا و ماما ع الآخر

ربنا معاها يا حبيبى
و خلى بالك من نفسك

مش هوصيك على مانوسة و ماما
انتا راجل اصلاً و سيدى الرجالة كمان
و هتاخد بالك عليهم
من غير ما حد يطلب

سلام يا حبيبى
و ف انتظارك

Unknown يقول...

واضح انك بتتفرج على بن تن كتير بس الصرحه انت عنك خيال واسع حاول توسعه اكتر

عفرتو يقول...

شكرا يا طنط فاتيما يا عسل انتي والله طيبة خالص كل ده سؤال عليا
شكرا فعلا
:)


شكرا ليكم كلكم إنكم بتشجعوني